دليل اختيار الرسيفر

قبل ما تشتري رسيفر، اسأل نفسك 3 أسئلة:

1. التليفزيون عندك فيه HDMI؟ لو شاشتك حديثة يبقى فيها HDMI، وساعتها خد رسيفر HD أو فول HD علشان الصورة تطلع واضحة. لو التليفزيون قديم ومافيهوش غير مداخل AV، اتأكد إن الرسيفر اللي هتختاره فيه مخرج AV.

2. هتتفرج على إيه؟ القنوات المفتوحة على النايل سات بتشتغل على أي رسيفر من اللي عندنا. لو عايز باقات مدفوعة زي beIN أو OSN، كلمنا قبل ما تشتري علشان نقولك الجهاز المناسب للباقة.

3. محتاج USB؟ منفذ الـ USB بيخليك تشغل أفلام وصور من فلاشة وتعمل تحديث للرسيفر. الموديلات اللي فيها 2 USB أريح لو بتستخدمه كتير.

ميني ولا حجم عادي؟ الرسيفر الميني صغير وبيستخبى ورا الشاشة بسهولة، وده اللي أغلب الناس بتختاره دلوقتي.

عندك أكتر من تليفزيون؟ كل تليفزيون محتاج رسيفر لوحده، والإل إن بي لازم يكون عدد مخارجه قد عدد الرسيفرات. شوف دليل اختيار الدش.

محتار؟ كلمنا على 16584 أو ابعتلنا واتساب وقولنا نوع شاشتك والقنوات اللي بتحبها، وإحنا نرشحلك.